Rapinât a Pordenon un pakistan che al puartave pizis a domicili

Moments di pôre par un zovin pakistan di 20 agns intant che al jere al lavôr par puartâ pizis. Il puar fantat al è stât agredît in maniere violente tal parcament dal cimitieri di vie Cappuccini a Pordenon, indulà che al veve di consegnâ cuatri pizis.

A spietâlu trê zovins cu la muse cuvierte che i àn dât cuintri e i àn pontât un curtis tal cuel par fasi consegnâ la robe.

Daspò de rapine i trê malvivents a son scjampâts a pît. Sul puest i carabinîrs dal Nucli radiomobile. (a.d.g) – 20.05.2026