Rapinadôrs cence scrupui in azion a Lignan

Pôc prime des cuatri di vuê un grup di trê, o forsit cuatri delincuents cu la muse cuvierte a son jentrâts intun apartament tal centri di Lignan, in vie Latisana. I bandîts a àn cjapat intant che al durmive il titulâr de Residenza Zaccolo e daspò velu pacât in maniere brutâl lu àn costret a consegnâ almancul 100 mil euros tra contants e zoiis prime di scjampâ. A judâ l’imprenditôr cuviert di sanc a son stâts i assegnâts ae vigjilance privade che a jerin in patulie te zone, che a àn clamât daurman la Polizie di Stât.

Al è pussibil che a rapinâ l’imprenditôr di Lignan a sedi stade une bande di albanês che e veve za fat une robe simil a Alzano Lombardo e che  a son stâts arestâts a Orzinuovi in provincie di Brescia. (a.d.g.) – 15.07.2026