169
Un pakistan di 30 agns, za cognossût des Fuarcis dal ordin al è stât arestât vuê di matine a Triest cu la acuse di rapine e resistence a Public uficiâl.
A blocâlu i carabinîrs dal Nucli radiomobile dai Carabinîrs che dopo ve sintût berghelâ poc lontan, a son intervignûts cjatant la vitime de rapine, un so conazionâl, che e jere stade batude sul cjâf cuntune piere. L’agressôr che al veve cirût di scjampâ al è stât cjapât pôc dopo e blocât. Intor al veve ancjemò il telefonin robât ae vitime e une piçule cuantitât di droghe.
La vitime e je stade puartade tal ospedâl intant che il pakistan al è stât puartât daurman te preson dal Coroneo e metût a disposizion de autoritât judiziarie. (a.d.g.) – 21.07.2025
