Vie pe gnot tra sabide ai 22 e domenie ai 23 di Otubar, i Carabinîrs de Sezion Radiomobile dal Norm de Compagnie di Pordenon e chei de Stazion di San Vît dal Tiliment a àn arestât par rapine, in flagrance, un om talian di 50 agns, incensurât.
Intal distributôr Eni di Preusdomini, l’om al veve cirût di rapinâ, inmascarât e armât di une pistole ‘ zuiatul’, doi oms (un dopo chel altri) che a jerin lâts a meti carburant. Il prin al jere rivât a scjampâ cul so auto. Invezit cuintri il secont, che al jere rivât a scjampâ ae rapine, al jere stât trat un colp a salvis.
I Carabinîrs, intervignûts daurman sul puest, a àn fermât l’om, lu àn disarmât e percuisît; di là de pistole, al veve ancje un curtìs. Inte percuisizion a cjase sô, i militârs a àn cjatât pûr une spade e altris munizions a salvis pe pistole. (ADG) – 26.10.2022
