76
Intai dîs che a vegnin a Udin e tacarà une racuelte di firmis cuintri lis gnovis regulis di acès al centri storic comunicadis de Zonte De Toni ai 23 di Fevrâr. Lis modificazions a jentraran in vore ai 2 di Avrîl e a puartaran impuartants cambiaments ae Zone a trafic limitât. Ae Ztl, di fat, si podarà acedi dome cul pass o cui veicui autorizâts.
La ‘sierade’ dal centri storic e la instalazion di cinc varcs di jentrade controlâts al cjate contraris i eletôrs di “Liberi Elettori- Io Amo Udine”. Il president de liste Stefano Salmé al à anunziât îr la costituzion dal “Comitât Centri Storic Ben Comun”, che intai dîs che a vegnin al formalizarà la petizion cuintri la gnove Ztl. (a.d.g.) – 04.03.2024
