A tornin inte citât stelade une ventine di operadôrs forestâi de Regjon F-Vj. Fin a Març, e dut câs fin a cuant che lis cundizions dal timp no permetaran la riprese dai lavôrs in alte mont, si interessaran de manutenzion straordenarie, difese, valorizazion e cure dal Parc Storic dai Bastions. A procedaran cun piçulis comedadis, la metude in sigurece des areis e i sfalçs plui delicâts in zonis a alte pendence e di acès dificil, dulà che la esperience e la professionalitât dai operadôrs regjonâi e je necessarie.
Luca Piani, vicesindic e assessôr comunâl cun deleghe ai Bastions: “O vin concuardât za cun lôr un program fis di sfalçs, puliziis e intervents pe metude in sigurece dal Parc. La rivade dai forestâi in citât e je tant spietade dai citadins. Di cheste colaborazion che si rinove ogni an o vin di graciâ la Zonte regjonâl e in mût particolâr la Direzion centrâl risorsis agroalimentârs, forestâls e itichis, vuidade dal assessôr Stefano Zannier. Cence di lôr la citât no rivarès a netâ e a meti in sigurece une aree cussì largje e delicade. A son e a saran indispensabii par mantignî il Patrimoni Unesco”. (a.d.g.) – 21.02.2024
