56
I carabinîrs di Sacîl a àn puartât in preson, su ordin de Procure de Republiche di Nola in provincie di Napoli, une femine di 54 agns che e jere stade condanade par reâts fats plui di dîs agns indaûr adun cul so om.
Il stes ordin al è stât dât pal om, puartât in preson de Polizie di Pordenon ai 28 di Zenâr.
La cubie e jere stade condanade par reâts pardabon bruts cuintri di une frute di 14 agns, lôr gnece, che tra il 2011 e il 2012, cuant che i doi i vevin fat violence par dopo menaçâle.
La cubie e je stade condanade par violence sessuâl di grup in maniere ingriviade parcè che fate cuintri di un minôr di 18 agns: la femine e varà di stâ inte preson di Triest, indulà che e je stade puartade par 4 agns, 10 mês e 15 dîs. (a.d.g.) – 30.01.2026
