Proteste di Legambiente vuê di matine cuintri dai lavôrs fats dal Consorzi di bonifiche dal Plan furlan sui canâi dongje Udin tant che i ambientaliscj a fevelin di “Une colade di ciment fûr dal timp e pericolose pai nemâi, tant che e sta fasint cambiâ muse al ambient”. La proteste cuintri dai lavôr fats in Baldassarie Basse tra vie Marsala e vie Portogruaro. “D dôs setemanis – al denunzie il circul di Udin – a stan sgjavant e butant ciment su lis spuindis dai canâi che a passin tra Udin, Pradaman, Pavie di Udin e Trivignan.
Par cimentâ lis spuindis par di plui a son stât tirâts vie ancje cierts lavadôrs. Il diretôr dal Consorzi al vise che plui indenant a viodaran cemût fa pai nemâi salvadiis e un tecnic al fâs savê che chescj lavôrs a coventin par ridusi lis pierditis di aghe che a rivin fintremai al 40%.
Dal sigûr, chest a pensin une vore di citadins e no dome i ambientaliscj, continuâ a butâ ciment, come che si faseve cincuante agns indaûr, nol somee jessi il mût miôr par tutelâ il nestri ambient. (a.d.g.) – 04.03.2026
