Al è stât ilustrât vuê, a Butinins di Muimans, il progjet pe valorizazion socioeconomiche, ambientâl e culturâl di Vile de Claricini Dornpacher.
Al incuintri a son intervignûts fra chei altris l’assessôr regjonâl aes Financis, Barbara Zilli (in colegament video), Giuseppe Morandini, president Fondazion Friûl e Oldino Cernoia, president Fondazion de Claricini Dornpacher.
Il progjet di valorizazion, ilustrât di Gianfranco Favaro, president de societât di consulence e invistiment Sinloc Spa, al ponte ae ricualificazion energjetiche e al tornâ a doprâ dai spazis, e ancje des areis verdis di pertinence tuteladis e vincoladis.
La ipotesi di invistiment e rive a 5 milions di euro, 2 di chei za a disposizion (fonts Pnrr) pai intervents di ricualificazion dal parc e dal zardin storic. Fra lis iniziativis proponudis, ancje lavôrs di manutenzion straordenarie dal edifici e il recupar di doi cjasâi cumò in stât di abandon. (ADG) – 2.12.2022
