E je tacade sot de ploie la scuele inte nestre regjon, indulà che vuê di matine a son tornâts sui bancs miârs di students. La Regjon e à metût par doman ai 11 di Setembar la viertidure uficiâl des lezions, ma une vore di istitûts a àn sielzût di anticipâ l’inviament, su la fonde de autonomie scolastiche. Secont i dâts dal ufici scolastic regjonâl, in dut a saran 130.914 i students intes aulis: 11.862 i fruts de scuele de infanzie, 38.376 i arlêfs de primarie, 27.340 chei des mediis e 49.336 i students des superiôrs.
La provincie cun plui iscrits e reste Udin, cun passe 21 mil students; e ven daûr Pordenon cun 14 mil, Triest cun cuasi 8.500 e Gurize con plui di 5.500. Ancje chest an al va indenant il câl des iscrizions: a saran plui o mancul 2 mil in mancul a pet dal 2023 i students, une tindince negative che intai ultins trê agns e à provocât la pierdite di 60 classis in dute la regjon. (a.d.g.) – 10.09.2025
