Prime rapinât cuntun curtis e dopo ancje pacât a Udin

Un operari talian origjinari di Bari al è stât cjatât îr vie pe gnot plen di pachis ae muse e intes mans, di une patulie dal Esercit – in vore inte operazion “Strade sicure” – in vie Rome a Udin, pôc lontan de Stazion

L’om di 41 agns al à contât ai carabinîrs dal Nucli radiomobile rivâts sul puest che cualchi ore prime al jere stât rapinât cuntun curtis di cuatri forescj che si jerin fats dâ une buste cun dentri 7 mil euros tignude inte sachete dai bregons. L’operari al varès cussì decidût di ve cirût i delincuents e di ve  cjatât un di lôr che cun chel al à lotat, ma al è stât pestât. Sul fat a stan investigant i carabinîrs. (a.d.g.) – 27.05.2025