75
Moments di pôre vuê di matine in vie Tomadini a Udin, cuant che tor des dîs e mieze dôs studentessis a àn viodût un nordafrican dentri di une auto parcade denant dal Convit Renati, cuntune pistole jenfri des gjambis. Lis dôs fantatis a àn daurman visât la portinarie. L’assegnât al à cussì dât l’alarme e al à clamât lis Fuarcis dal ordin visant che l’om al jere jentrât tal Dipartiment di Jurisprudence.
Sul puest a son rivadis vot patuliis intant che dute la int dentri de Universitât e je stade visade di restâ dentri e lontan dai barcons.
La persone segnalade e je stade cjatade, ma si tratave di un miedi cuntun studi juste inte zone e nol veve nuie intor.
L’alarme al è finît ae une di dopomisdì. (a.d.g.) – 28.05.2025
