Il Conapo, sindicât autonom dai pompîrs, al à declarât il stât di agjitazion par vie de sierade croniche dal Distacament permanent di Cividât. Si prospete un siopar provinciâl de categorie, che e domande la ativazion formâl de procedure di conciliazion.
“Di cuasi un an – al sclarìs il segretari provinciâl Christian Fumagalli – il presidi dai pompîrs al ven sierât masse dispès. I 28 oms, assegnâts cemût che di Decret Ministeriâl ae citât ducâl, a vegnin tantis voltis assorbîts de sede centrâl di Udin o di chês altris sedis provinciâls par soperî ae carence di organic e fâ ativitât di socors tecnic urgjent. O vin denunziât plui voltis la situazion grave al Comandant provinciâl di Udin, Giorgio Basile, ma cence vê vût rispueste concrete par risolvi il probleme”. (ADG) – 19.09.2022
