I agjents de Polizie locâl di Udin a saran in siopar domenie ai 21 di Setembar par dute la zornade e fintremai a lunis 22 par chei che a son a vore tal turni di gnot. Il siopar proclamât dal Sapol il sindicât plui rapresentatîf tra i poliziots di Udin, al rive ae fin di un stât di agjitazion lunc e de tratative lade mâl cu la Aministrazion Comunâl.
La proteste tacade ai 16 di Lui e je leade a ciertis criticitâts che il sindicât al lamente, come che la mancjance des dotazions di sigurece adatis (gjac anti tai, casc di protezion e scût), la mancjade formazion tal doprâ struments tant che il taser, la gjestion corete dai vistîts e des furniduris. “Chest – al sotlinee Beppino Fabris, segretari dal Sapol – tignût cont dal fat che i agjents a lavorin intune citat indulà che a son agressions e barufis, cence organizazion e tutele adatis”. (a.d.g.) – 04.09.2025
