Al è stât firmât vuê di matine a udin, presint ancje l’assessôr regjonâl ae Salût, Riccardo Riccardi, un acuardi tra il diretôr gjenerâl di Asufc, Denis Caporale, e il Cuestôr di Udin, Domenico Farinacci, par miorâ il sisteme di video control dentri des struturis de Aziende: in graciis dal acuardi, tal câs di problemis o di azion violentis cuintri dal personâl al sarà mandât daurman un alarme ae Polizie.
Il sisteme al è za atîf tal Pront socors di Udin cun 12 telecjamaris, 6 tal servizi di continuitât assistenziâl dal Gervasutta, e 2 li de Rem di vie Pozzuolo. Tai prossims mês a saran metudis in vore telecjamaris ancje intai Pront socors dai ospedâi plui piçui.
L’acuart al previôt la adozion di misuris di sigurece che tra chês a son il control atîf, la instalazion di videocjamaris, la formazion e sensibilizazion dal personâl, lis proceduris pe denunzie dai fats di violence e il sostegn psicologjic des vitimis. (a.d.g.) – 24.07.2025
