Plan antiglace a Udin e temperaduris in cjadude libare

da Alessandro Di Giusto

Temperaduris jù in dut il Friûl-Vignesie Julie. A Udin il termometri al podarès lâ jù fin a -4°C. Propit par chest, Palaç d’Aronco sore sere al ativarà il plan antiglace che al previôt la saladure di 48 chilometris di stradis e di 130 ponts critics pedonâi, tra listons e acès publics. Une dozene di personis tra impresis e dipendents comunâi a saran impegnâts inte ativitât par sconzurâ incidents e cjadudis acidentâls.

Intal prin dopomisdì flocs di nêf a son colâts su dut l’Alt Friûl, ma ancje a Cividât, intes Vals dal Nadison e intal Cjars. Sblancjadis lis localitâts alpinis plui grandis. In Valcjanâl la nêf e je rivade a 20 centimetris di altece, 30 centimetris a Nevee e 15 centimetris in Cjargne. (a.d.g.) – 19.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui