Il vuidadôr di une machine che al veve tirât sot un ciclist a Dael inte matine dai 18 di Fevrâr e al jere lat vie cence judâ il ferît, al è stât cjatât in pocjis oris e denunziât dai carabinîrs.
Si trate di un om di 28 agns che al vîf inte Basse, che in che matine al veve pocat une biciclete vuidade di un om di 74 agns dal puest, lat jù di bot sul asfalt tant che al jere stât puartât tal ospedâl di Palme par controi.
Sul puest a jerin rivâts i carabinîrs de stazion di Çarvignan che, su la fonde des testemoneancis scoltadis e dal control fat su lis telecjamaris di control de zone, a jerin rivâts in pôc timp a cjatâ il pirate. Il zovin al è stât denunziât ae autoritât judiziarie cu lis acusis di lesions personâls stradâls e omission di socors. (a.d.g.) – 24.02.2026
