Un pirate informatic al à cirût di ricatâ un zovin di Triest cu la menace di mandâ ae Polizie locâl un messaç minatori doprant il non de vitime se no ves paiât daurman un sume fuarte di bêçs. Il pirate daspò al à mandât il messaç ae Polizie locâl che al visave che a jerin dôs bombis metudis ator pe citât e al domandave 100 mil euros par no falis tonâ.
I investigadôrs a àn inviât daurman lis investigazions, sot dal coordenament de Procure de Republiche, e a àn capît che la menace no jere vere, ma a àn ancje cirût di scuvierzi cui che al jere il pirate informatic che al è stât denunziât par estorsion tentade, sostituzion di persone, alarme procurât e calunie. Il delincuent cumò al spiete il procès.
Il fat al è sucedût un an indaûr, cuant che la mari dal fantat e veve clamât la Polizie locâl par denunziâ il tentatîf di ricat cuntune e-mail a so fi. (a.d.g.) – 18.09.2025
