Intervent pardabon fûr dal ordenari pai pompîrs di Gurize che, vie pe gnot passade, a Savogne dal Lusinç a son intervignûts par puartâ fûr di cjase une persone malade doprant la autoscjale.
Pôc prime de miezegnot di îr, il personâl sanitari che al veve di puartâ une persone tal ospedâl al à domandât jutori ai Vigjii parcè che nol rivave a puartâ ju dal tierç plan de palacine il malât doprant lis scjalis.
Une volte metude suntune barele a pueste, la persone e je stade fate jessi di un barcon e poiade su la cosse de autoscjale daspò lade jù fintremai dal nivel dal teren, indulà che la persone e je stade cjamade sul elisocors. (a.d.g.) – 28.07.2026
