45
A son stadis fatis ancje inte preson di Tumieç une schirie di percuisizions cuintri di presonîrs in regjim di sigurece massime par cirî telefonins. La operazion e je stade fate dal personâl de Direzion investigative antimafie e di Gjenue e e veve l’obietîf di controlâ la presince di telefonins doprâts dai presonîrs.
A son 31 lis personis sot investigazion par vê puartât dentri intes presons i telefonins. Di là de preson di Tumieç a son stadis controladis ancje chês di Fossano, Ivrea, Alessandrie, Cuneo, Chiavari, La Spezia, Parme, San Gimignano, Lanciano, Rossano e Santa Maria Capua Vetere. I telefonins, cualchidun di lôr une vore piçui, a jerin puartâts dentri cun pacs o dâts dilunc des visitis des fameis inte preson. (a.d.g.) – 26.11.2025
