Sabide ai 15 di Otubar, i Carabinîrs de Compagnie di Spilimberc a àn fat un servizi coordenât di control dal teritori da pît des monts cun diviersis patuliis. A son stadis interessadis lis stradis principâls, i centris comunâi, lis localitâts plui periferichis e i lûcs di agregazion pai zovins.
I militârs a àn denunziât doi automobiliscj di 38 e 24 agns, che ur è stade ritirade la patente: i doi oms, controlâts intant che a jerin ae vuide dal lôr auto, a Sant Zorç de Richinvelde e Spilimberc, a son risultâts positîfs ae prove. E’ je, cun di plui, saltade la revoche dal permès di vuide e il fer aministratîf dal mieç a un vuidadôr che, a Taurian di Spilimberc, al lave ator cu la patente sospindude. Di là di presidiâ il teritori, a son stadis controladis in totâl 75 personis e 58 veicui. (ADG) – 17.10.2022
