Cjatâts 120 lavoradôrs no regolârs, cun faturis par operazions inesistents par plui di 5,4 milions di euros. Al è chest il risultât di une investigazion fate de Vuardie di finance di Triest e Vignesie in dute Italie, cun dentri ancje il Friûl – Vignesie Julie. La operazion clamade “Dirty delivery) e à controlât presumûts apalts ilecits di lavoranzie tal setôr de logjistiche.
Al centri di cheste fraude presumude, un sisteme sofisticât che al doprave lavoranzie in graciis de creazion di une rêt di societâts metudis su par finte e intestadis a int che e dave dome il so non. Chestis societâts a fasevi di serbatori di lavoranzie cul fin di no rispietâ lis leçs in materie di lavôr e i contrats coletîfs di lavôr.
A son indagâts de Procure de Republiche di Triest 14 personis, che di chês 5 par associazion par delincui e 10 societâts che a furnivin lavoranzie.
Il Judiç des indagjins preliminârs al à ordenât doi proviodiments di custodie cautelâr par dôs personis residents a Triest e il secuestri di 750 mil euros. (a.d.g.) – 02.03.2026
