Inte buinore di vuê i carabinîrs di Manià a àn fat une operazion grande cuintri de droghe dentri des corieris de Atap che a rivin li dal pôl studentesc de citât. I controi a son stâts fats su lis liniis che a coleghin Manià a Pordenon, Davian, Claut, Spilimberc, cul jutori de Polizie locâl di Manià e la unitât cui cjans de Polizie locâl di Daçan.
Dutis lis operazions a son ladins indenant cu la colaborazion e la presince dal personâl dal ufici pe sigurece de Atap. Plui o mancul 320 i students controlats, ma al è stât cjatât dome un câs suspiet, forsit par un zovin che al veve fumât mariuane il dì prime.
Sodisfat l’assessôr ae Sigurece dal comun di Manià Leonardo Esposito: “E je stade une ativitât di prevenzion che o sostegnin cun fuarce e che o fasarìn ancjemò”. (a.d.g.) – 21.10.2025
