Operazion a sorprese tai centris di acet pai minôrs no compagnâts

Operazion a sorprese vuê di matine in doi centris di acet par minôrs no compagnâts di Udin. Almancul 50 agjents a àn fat controi prime li de Casa dell’Immacolata e dopo inte struture che e lavore in plaçâl Cella, indulà che si cjatin plui o mancul 50 zovins.

Te prime, che e da acet a 70 fantats e indulà che tai dîs passâts e jere stade une barufe, al è stât cjatât pôc e nuie. In chel altri centri, gjestît de cooperative Hanna House, invezit a son saltâts fûr bastons e altre robe no adate dentri dai armârs o platâts tai materàs, ven a stâi materiâl che al podarès jessi doprât tal câs di barufis.

Dut câs no son stadis cjatadis armis o droghe. (a.d.g.) – 06.03.2025