Operari al cole dentri di un serbatori a S. Zorç di Noiâr

Infortuni dentri di un capanon a S. Zorç di Noiâr, indulà che un operari di 38 agns si è fat mâl dopo jessi colât jù dentri di un serbatori li che al stave lavorant sore.
Daurman a son stâts clamâts i socors. Sul puest a son rivâts i pompîrs e i sanitaris dal 118. Une volte tirât sù, il ferît al è stât puartât in svol cul elicotar intal ospedâl di Udin cun feridis gravis, ancje se par fortune l’om nol è in pericul di vite. (a.d.g.) – 11.03.2024