35
La Polizie di Stât di Padue e à interogât par dîs oris un om suspietat di vê copât Marco Cossi, il furlan di 48 agns origjinari di Tisane, che al viveve a Selvazzano dongje Padue e che al jere stât cjatât in fin di vite domenie sot sere intune zone isolade pôc lontan dal aeropuart.
La identitât dal om interogât e reste un segret, ma si è savût che al è stât lui a presentâsi de Polizie par contâ la sô version dai fats. Il colocui fat in Cuesture îr al è durat a lunc, ma i agjents de Scuadre Mobile a varessin ancjemò dubis su la dinamiche dal delit.
Lis investigazions al somee che si stedin concentrant su la sfere professionâl e personâl de vitime che al stave par inviâ une gnove ativitât adun cuntun soci. (a.d.g.) – 22.04.2026
