Pôc prime des 7 di buinore di vuê un om al è stât cjatât muart intune poce di sanc juste denant dal ingrès dal Teatri Verdi di Triest cun dongje un curtis.
Si pense che si sedi tratât di un suicidi ancje se nol è stât cjatât nissun biliet o altri.
Sul puest a son rivâts daurman I carabinîrs dal Nucli radiomobile e il personâl sanitari che nol à podût fâ altri che aciertâ la muart dal om di 65 agns, origjinari di Taranto che al jere a vivi di timp a Triest. Pôc plui tart a son ancje rivâts i carabinîrs dal Nucli investigatîf.
Su la fonde di une prime ricostruzion e di ce che si è podût viodi des telecjamaris di control, l’om che al pative di timp di problemis psichiatrics si sarès fat di bessôl un tai profont tal cuel a pene che al è rivât denant dal teatri.
Il cuarp, come decidût dal Pm Federico Frezza, al è stât metût a disposizion dai familiârs. (a.d.g.) – 07.10.2025
