Om muart inneât a Tarvis, dopo jessi lât jù tal canâl par un mâl

Al è stât forsit un mâl a fâ lâ jù intal canâl di vie Torrente a Tarvis Marcello Pezzano, l’om di 72 agns cjatât muart îr intal dopomisdì.

Si pense che Pezzano, che al jere a vivi a Tarvis, al sedi colât intant che al lave a pît dilunc dal canâl, intal toc indulà che nol è il parepet, dongje dal supermarcjât Maxi. La aghe in chel pont e je fonde 40 centimetris.

Sul puest il personâl sanitari che al à aciertât la muart, rivade forsit dopo dal mancjament par inneament. Lis investigazions  lis stan fasint i carabinîrs. (a.d.g.) – 21.03.2024