Lui di 53 agns e jê di 51 agns, maridâts, ducj i doi residents a Roncjis di Monfalcon, a son stâts condanâts dal Tribunâl di Udin par bancjerote.
Ai doi, aministradôr e titulâr di un ristorant pizarie di Aquilee falît intal 2018, a son stâts rifilâts a un doi agns e sîs mês e a chê altre doi agns di reclusion. La pene pe femine e je stade sospindude.
La cubie e jere acusade di vê gjavât de aziende plui di 460mil euros e bens strumentâi par un valôr di 5mil euros. Cun di plui, i doi a vevin trasferît dipendents, bens, contrat di fit e marcjanzie de pizarie a une altre societât costituide tal contest dal faliment e daspò jentrade inte ativitât di ristorazion.
E je invezit stade assolte la fie di 30 agns, acusade dai stes reâts. (A.D.G) -1.06.2022
