I agjents dal Cuarp forestâl de Regjon a Buie a àn cjatât sul fat un om, intant che al stave brusant un grum di scovacis e tra chês ancje gomis vielis.
Il fat al è sucedût miercus passât,ai 25 di Març tor sere, cuant che une colone di fum neri e cuntun fuart odôr e à tacât a lâ su tant che plui di cualchidun al à dât l’alarme.
Sul puest e je cussì rivade une patulie de Stazion forestâl di Glemone che e à cjatât l’om intant che al stave brusant ramacis e gomis. Il fûc al è stât studât daurman e cumò l’om al varà di rispuindi dal reât previodût dal Test unic ambientâl par cui che al bruse scovacis. (a.d.g.) – 31.03.2026
