Giacomo Zamparo, origjinari di Gurize, 43 agns, al è muart îr in Val Sugana, lant jù tal vueit intant che al stave fasint base-jumping, une sô grande passion (butâsi jù dal spiç di une mont cuntun parecjadudis a pueste).
Zamparo al jere a vivi di agns in Trentin e si cjatave inte zone adun cu la famee par une gjite, cuant che al à decidût di butâsi de mont Mezza.
L’alarme al è stât dât de sô compagne cuant che no lu à viodût rivâ. Al è stât alarmât il Socors alpin e lis ricercjis a son tacadis ancje cul jutori dai elicotars dei Vigjii dal fûc e de Vuardi di finance. Cualchi ore dopo il so cuarp al è stât cjatât cence vite.
Corot grant a Gurize pe muart dal om che al lasse la compagne e une fie piçule. Zamparo al jere une vore cognossût inte citât indulà al veve studiât tal liceu sientific Duca degli Abruzzi e indulà che al veve cetancj amîs.
La foto che o ven metût le ven cjatade sul so profîl di Facebook. (a.d.g.) -22.09.2025
