Om cjoc in bale blocât dai carabinîrs intant che al tirave pieris cuintri des autos

Un citadin magrebin di 28 agns al è stât fermât a Pordenon vie pe gnot passade dopo che cualchidun al veve visât che al jere un par strade che al stave creant problemis.

Tor de une e mieze di gnot i militârs lu àn cjapât in vie Montereale dongje dal distributôr Costantin propit tal moment che al tirave claps cuintri des autos che a passavin di chês bandis.

Daspò vêlu cuietât i carabinîrs lu àn consegnât ai sanitaris dal 118. (a.d.g.) – 27.11.2025