Om cjatât a tiere a Udin in bande dal so motorin, investigazions in cors

Un om al è stât ricoverât in ospedâl in cundizions gravis, dopo jessi stât cjatât di un passant distirât in bande dal so ciclomotôr. Il fat al è sucedût inte sere di îr sul tart a Udin. Dopo l’alarme al 112, la centrâl operative de Sores F-Vj e à inviât sul puest une ambulance e la machine di emergjence mediche. Il ferît al è stât stabilizât e trasferît in pront socors in codiç ros. Lis fuarcis dal ordin, ancje cul jutori des telecjamaris, a varan di scuvierzi se si sedi tratât di une cjadude autonome o se al sedi stât un coinvolziment di tierçs intal incident. (a.d.g.) – 22.01.2024