Om cjapât sot e sbalçât intal canâl bande de strade a Prissinins

Incident tragjic îr sot sere tor des 18.39 a Prissinins, dilunc de strade provinciâl 56, in vie Canedo, dongje dal numar 18, indulà che un om a pît un pedon al è stât cjapât sot di une machine e al è stât sbalçât dal colp intal canâl plen di aghe che al cor dilunc de strade.

Sul puest a son rivâts i pompîrs e i sanitariis che a àn cirût di rianimâ la persone, un om dal puest di 58 agns. Par disgracie, ducj i sfuarçs no son servîts, e pal om nol è stât nie ce fâ.

Lis fuarcis da l’ordin a stan lavorant par tornâ a ordenâ lis circostancis esatis dal incident. (a.d.g.) – 27.01.2026