Vuê a Sedean in vie Zorutti, tor des cinc e mieze di buinore, al è sucedût un incident tra une machine e un autoarticolât.
Cuant che sul puest a son rivâts i socors, l’autist dal autoarticolât al jere fûr dal veicul in spiete di jutori intant che il vuidadôr de auto al jere restât incjastrât dentri. Par chest i Vigjii dal Fûc rivâts di Codroip, daspò vê stabilizât la machine a àn scugnût vierzi un passaç tra i lamarins ducj stuarts de machine par rivâ a tirâ fûr il ferît, curât daurman dal personâl sanitari e puartât intal ospedâl.
Sul puest ancje i carabinîrs par investigâ su lis causis dal incident. (a.d.g.) – 09.06.2025