Om al fische machinaris tal ospedâl di Udin

Îr di buinore tor lis 8 al è stât un altri episodi di violence. Un om al à tacât a tirâ pugns e pidadis cuintri dai machinaris dal repart di Medisine di urgjence. Al varès di jessi un om cun problemis psichiatrics che al è stât cuietât.

L’episodi al à dât pinsîr ai sindicâts di categorie, Nursind e Uil Fpl, che a domandin plui tutele pal personâl che al scuen lavorâ intune clime di tension. Intai dîs passâts, tal Pront socors simpri dal ospedâl di Udin, infermîrs e miedis a jerin stâts assaltâts cun brutis peraulis. Ancje se no son stadis consecuencis pal personâl, a àn sotlineât i rapresentants sindicâi, al è dut câs un fat une vore grivi. (a.d.g.) – 03.03.2025