Om al da cuintri ai carabinîrs a Paluce

Cualchi probleme plui di ce che a pensavin pai carabinîrs che vie pe sere dal prin di Novembar a son intervignûts a Paluce par vie di une barufe tra un om e une femine zovine.

Cuant che a son rivâts sul puest, l’om al à reagjît cun furie tirant pidadis e cjapant a pugns e ancje cirint di muardi i cuatri carabinîrs. Doi di lôr a son stâts ferîts cun lesions che a podaran vuarî in dîs dîs. Cun dut de fuarce dal atac cuintri di lôr i carabinîrs a àn rivât a blocâ e arestâ l’agressôr.

Il fat al è stât contât de Segretarie regjonâl Unarma che e à esprimût solidarietât plene ai militârs ferîts, sotlineant che chest episodi al è un dai tancj câs di violence cuintri des fuarcis dal ordin. (a.d.g.) – 04.11.2025