I “baracons” di Sante Catarine a tornin tal centri di Udin, come che al sucêt par solit vie pe Vierte, cuant che lis gjostris a son in Zardin grant, suntune part de place, si che duncje intun numar limitât a pet dal spazi che a àn par solit dal parcament dal stadi “Friuli”, là che fin cumò si è davuelte la edizion de Sierade. Il Comun nol è rivât a cjatâ un acuardi e, daûr de indicazion de Cuesture, considerant il numar des partidis in cjase e chês lontan di Udin in chei dîs, al è sielt la place. Dai 25 di Otubar e fint ai 16 di Novembar – cuant che a varan di lassâ spazi ai barachins de fiere di Sante Catarine – lis gjostris a saran vierts ogni dì almancul des 3 di dopomisdì fint aes 7 sot siere, ma cu la pussibilitât di vierzi prime e sierâ plui tart, I baracons a saran ducj te zone sud, dongje dal liceu “Stellini”, là che la strade e sarà sierade e il trafic al larà a dopli sens sot dal cjistiel, ancje par permeti di rivâ tal parcament soterani. (A.I.) – 01.10.2025
50
