Nomenât il gnûf comandant de Polizie locâl di Udin

Dai 1 di Avrîl la Polizie locâl di Udin e sarà comandade di Marco Muzzatti, che al rive al puest di Paolo Carestiato che nol è stât confermât ae fin dal periodi di prove. La sielete e je stade fate doprant la liste de selezion di prime par un gnûf comandant a timp determinât, che e à permetût al municipi di decidi daurman.

Nassût tal 1967, Muzzati al svante passe 30 agns di esperience inte Polizie locâl dal Friûl Vignesie Julie. Dal 2007 al jere comandant a Gurize e prime al veve vuidât i comants di Manià e Spilimberc. (a.d.g.) – 03.03.2026