No molin la prese i fraudadôrs tal Friûl Ocidentâl

Trentecinc tentatîfs di fraude in pocjis oris in provincie di Pordenon îr tal dopomisdì, ma nancje une e je lade ben par fortune.

Telefonadis par fraudâ 21 vielis a Daçan, altris 11 a Pordenon e 3 a Cjasarse. I delincuents a fasevin finte di jessi carabinîrs o financîrs e a contavin la storie de targhe de auto copiade o de rapine in buteghis dal oresin, disint aes vitimis che a varessin vût di passâ in caserme, par fâ in maniere che in cjase al restàs un sôl che dopo si domandave a lui bêçs e zoiis. Ducj i vielis a pene cjapade la telefonade a metevin jù e a clamavin daurman il 112.

A Daçan a àn cirût di fraudâ proponint zoiis che a someavin di valôr par tirâ su bêçs, ma nissun al è colât te rêt. (a.d.g.) – 27.05.2026