Legacoop Sociali F-Vg e dîs no ai miedis a gjeton

da Alessandro Di Giusto

No ai miedis “a gjeton”; tant miôr pontâ su la sanitât dal teritori e rinfuarçâ lis risorsis dal Sisteme sanitari nazionâl. Al è cetant che al domande Legacoop Sociali FVG midiant dal so president, Paolo Felice, che propit cualchi setemane indaûr al à partecipât al secont congrès nazionâl di Sanicoop, la associazion di Legacoop che e organize e e rapresente plui di setante cooperativis che a furnissin servizis ai passe 5 mil miedis associâts.

Dome intal F-Vj a laran in pension 470 miedis di famee su 850 intai prossims 7 agns. “Il sisteme des cooperativis di servizi ai miedis di medisine gjenerâl – al sclarìs Felice – al pues rapresentâ un element impuartant di eficientament des curis primariis”.

Inte nestre regjon la cooperazion di miedis di medisine gjenerâl e je rapresentade des cooperativis “Medici Assieme Friuli” (MAF), inte aree udinese, e “Medici Cure Primarie Friuli Occidentale” (MCP), inte zone di Pordenon, che a operin di cualchi an promovint inovazions impuartantis intal sisteme de medisine primarie. Dôs esperiencis cooperativis, nassudis agns indaûr in graciis dal “Progetto Salute” di Legacoop, che vuê a contin 120 miedis socis des cooperativis, che si cjapin cure di plui di 150 mil assistûts. (A.D.G.) – 24.01.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui