Multis par plui di 60 mil euros par violazions des normis sul lavôr

A valin plui di 60 mil euros  lis sanzions fatis dai carabinîrs dal nucli Ispetorât dal lavôr di Gurize in colaborazion cui coleghis dal Comant di Gardiscje dilunc di une azion di control intes setemanis passadis in 14 ativitâts tra Gardiscje, Cormons, Foian Redipulie e Romans dal Lusinç.

Sot control soredut i locâi publics, e tal particolâr i bar, indulà che i carabinîrs a àn verificât une vore di câs di rispiet mancjât des normis sul lavôr, tant che  a son stâts ancje sierâts par un pôc di timp trê dai locâi controlâts. Lis violazions a rivuardin la sigurece sul lavôr, il rispiet des normis su la igjiene, la assunzion dal personâl e lis regulis par dâ di bevi alcul. (a.d.g.) – 14.05.2025