53
Incident sul lavôr vuê di matine a Monfalcon, tai cantîrs navâi de Fincantieri, indulà che un zovin operari di 27 agns di Triest, dipendent di une imprese specializade par fâ lavôrs in alt, al è muart daspò jessi colât jù di une altece di passe 20 metris.
I sanitaris rivâts sul puest no àn rivât a rianimâlu par vie des feridis masse griviis. L’incident al è sucedût intant che l’operari al stave lavorant sul cuviert de linie panei, dongje de Salderia B. I sindicâts a àn daurman proclamât un siopar gjenerâl di vot oris. Dolôr par cheste tragjedie e je stade pandude dal sindic di Monfalcon Luca Fasan, visant che la sigurece e à di jessi une prioritât assolude. (a.d.g.) – 25.02.2026
