Muart pal sclop di une bombulute di poliuretan a S. Vît dal Tiliment

Un om di 68 agns al è muart a S. Vît dal Tiliment par cause dal sclop di une bombulute di poliuretan a sbruf. La vitime al stave fasint lavôrs intal curtîl di cjase e propit intant che al mateave cu la bombulute, pôc plui grande di chê di une di sbrume di barbe, i è tonade in man. Il bot al è stât contignût, ma al à provocât feridis fatâls al cuarp dal om ae altece dal sterni, provocant la sô muart.

Il cuarp al è stât puartât tal ospedâl di Pordenon pe ispezion dal cadavar. Sul puest a son rivâts pes investigazions i carabinîrs de stazion locâl. (a.d.g.) – 02.12.2024