60
Al è muart par vie des lesions tant gravis che al à ripuartadis l’anzian che cheste matine al è stât cjapât sot di une auto a Tisane. La vitime al è Giorgio Munaretto, 87 agns, dal puest. L’om al jere daûr a passâ in biciclete dilunc la strade statâl 14 cuant che in localitât Crosere al è stât centrât di une 500X vuidade di un om di 89 agns di Sant Donà di Plâf, che al jere daûr a viazâ in direzion di Triest.
Il colp al è stât trement e Munaretto al è muart pôc dopo la rivade dal personâl sanitari. I rilêfs dal incident a son stâts dâts ae polizie locâl. Auto e biciclete, su disposizion dal magjistrât di turni, Andrea Gondolo, a son stâts metûts sot secuestri. (a.d.g.) – 18.01.2024
