Muart dopo jessi lat cuintri di un arbul par scjampâ dai Carabinîrs

Un zovin di 23 agns resident a Pordenon al è muart vuê di matine tor des 7 e 50 a San Giovanni di Motta di Livenza, indulà che al jere nassût, dopo che cu la sô machine al è lat cuintri di un arbul.

L’om al veve une vore di precedents e al jere cognossût aes Fuarcis dal ordin. I carabinîrs che lu vevin viodût rivâ a dute bire a vevin cirût di fermâlu, ma lui al à acelerât par scjampâ. La sô fuide e je finide di bot pôc dopo cuant che al à pierdût il control de machine lant fûr di strade e dopo a sbati cuintri di un platin. Il zovin al è muart dilunc dal so traspuart tal ospedâl, ma intant i carabinîrs a àn cjatât trê pacuts di hashish juste dongje de auto. (a.d.g.) – 15.07.2025