Motociclist muart sul colp dentri de galarie de Mont Fera a Montreâl

Un motociclist di 35 agns, Giacomo Lazzarin, origjinari dal teritori di Trevîs, al è muart sul colp îr sot sere dopo dal scuintri cuntune Fiat Panda che dentri si cjatavin dôs feminis, restadis feridis ancje se no in mût grivi. Daspò dal bot, sucedût aes 6 e un cuart sot sere, la moto e à cjapât fûc e in pôc timp il fum al à jemplât la galarie. Par vie dal scuintri il motociclist al è svolât par plui di 70 metris intant che la machine e je lade indenant par plui o mancul 100 metris .

Il prin a intervignî al è stât un om che al passave di chês bandis, un volontari dal Socors alpin, che al à metût in sigurece lis dôs feminis di 35 e 31 agns, che a son a stâ a Montreâl. (a.d.g.) – 08.06.2026