Motociclist in cundizions griviis dopo jessi stât pocât di une auto

Un om di 33 agns al è ricoverât in cundizions une vore griviis tal ospedâl di Udin dopo jessi colat de moto daspò che une auto vuidade di un om di 82 agns lu veve pocât. L’incident al è sucedût vuê di matine tor des vot a Udin, in vie Romagna, tal cjanton cun vie Emilia.

Daspò che le auto e à pocât la moto, l’om al è svolât par une vore di metris. Sul puest a son rivadis daurman une ambulance e la auto mediche di emergjence. I sanitariis a àn stabilizât il ferît prime di puartâlu in cundizion critichis tal ospedâl. (a.d.g.) – 04.08.2025