Metûts jù arbui gnûfs a Udin

A son tacâts vuê di matine i lavôrs par meti jù gnûfs arbui, 43 cjariesârs, dilunc vie Carducci a Udin. L’intervent al fâs part di un program di rinfuarciment dal vert urban promovût de aministrazion comunâl cul obietîf di miorâ la cualitât dal ambient, il comfort urban e la vivibilitât dai spazis publics.

Tal stes timp, tal plaçâl de stazion, pôc lontan, il Comun al à finît di meti jù lis plantis inte isule vert che e divît il trafic, completant cussì i lavôrs di ricualificazion de aree indulà che al è stât ancje tornât a fâ l’asfalt. (a.d.g.) – 15.12.2025