In chescj dîs il centri di Tisane al à a ce fa cuntune bande di fantats che e rive di fûr e che e sta dant pinsîr ai comerciants e ai residents par vie dal lôr compuartament fastidiôs cun menacis, peraulatis e menacis, sedi tes viis dal centri sedi dentri des buteghis.
La situazion pluitost grivie e à sburtat il sindic a movisi tant che il sindic Lanfranco Sette al à tirat su lis testemoneancis dai citadins par dopo segnalâ il probleme al comant de Polizie locâl che cussì al podarà inviâ lis investigazions par capî cui che a son chescj zovins e, se al covente, presentâ une denunzie ai carabinîrs.
I ponts indulà che chescj sbandâts si cjatin a son la stazion dai trens e chê des corieris, di indulà che a cjapin la volte dal centri. Sette al à visât che no sarà nissune tolerance e che a saran fats plui controi intes areis plui a risi. Tal stes timp, la aministrazion e à fat un apel a citadins e comerciants parcè che no tasin e a clamin daurman il 112. (a.d.g.) – 17.07.2026
